Басты бет » «edu.e-history.kz» электрондық журналы » Отан тарихы. Зерттеудің жаңа әдістері

Отан тарихы. Зерттеудің жаңа әдістері

Аннотация. Мақалада автор тарихи жазба деректер негізінде Қазақ хандығының қалыптасуы мен дамуының бастаулары мен тарихи кезеңдерін көрсете отырып, қазақ мемлекеттілігі мен мемлекеттік биліктің қалыптасу мәселелерін қарастырады. Сондай-ақ автор азаттық пен тәуелсіздікті мемлекет пен оның азаматтарының басты құндылықтары деп санайды. Осыған байланысты «Мәңгілік ел» түркілік идеясы тек толыққанды қалыптасқан мемлекетте ғана өмірге келіп, жүзеге асырылатындығын дәйектейді. Мемлекеттің нығаюы қашанда Абылай сынды даланың ірі тарихи тұлғаларының есімімен тығыз байланысты. Кілт сөздер: Қазақ хандығы, мемлекеттілік, Абылай хан, «Мәңгілік ел», түркілік идеясы
Халық құрметпен Мақаш әкім деп атаған Мұхамбетжан Шолтырұлы Бекмұхамбетов – белгілі қоғам қайраткері, ағартушы-ғалым. Ол ХІХ ғасырдың екінші жартысында Атырау мен Ақ Жайықтың бойында елу жылдай ел басқарған белгілі тұлға. Бөкей ордасындағы Жәңгір мектебінен кейін Орынбордағы Неплюев атындағы кадет корпусында оқып, кіші унтер-офицер атағын алған, есаул шенінде зейнеткерлікке шыққан. Оның өмір жолы мен халыққа сіңірген еңбегі хақында төмендегі зерттеу мақала сыр шертеді.
Мақала ХІХ ғасырдың екінші жартысы – ХХ ғасыр басында қазақ балалары білім алған бірқатар классикалық гимназиялар мен прогимназиялардың тарихына арналады. Автор онда Қазақстан жеріндегі Верный, Семей, Қостанай, сондай-ақ іргелес жатқан Ташкент, Орынбор, Тройцк, Омбы секілді қалалардағы гимназияларда әр жылдары оқыған қазақ балаларының аты-жөні мен олардың әлеуметтік және сандық құрамын, оларға өтілген оқу пәндерін, тұрған шәкірттер үйі мен пансионаттарын, сабақ берген оқытушылар құрамын және сол гимназиялардан білім алып еліміздің қоғамдық-саяси өмірінде маңызды рөл атқарған қазақтың белгілі тұлғаларын тың мұрағат деректері арқылы хронологиялық ретпен жүйелі түрде тарқатып өтеді.